Shvedo lel kritika ando OECD rodipe

Shvedicko skolako systemo trobuj te nakhel parujimata, skrij OECD ande pesko agorutno raporto pa e Shvedicko skola so o purano edukatciako ministro Jan Björklund manglas pala kodo ke paluno rodipe so Pisa kerdas ando december 2013 ke shvedicka studentura sas maj chore ande djanglimaski evulatcia ande intrego OECD.

Ande kadi buchi si te zurarel pe pe sikavnengo kompetenso, sar exemplo te vazdel pe opre o levelo pe kodol so avna neve sikavne thaj te kerel pe buchi te paruvel pe e studentonge atytidura ande klasa.

Ande kado raporto sikadjilas kodo ke e shvedicka studentura chi djukaren but pendar thaj inkren cine expektatci pe pende, pasha kodo shuden e shvedicka studentura penge dosha pe kaver buchia thaj phenen ke chi sitsjion dosta.

Kado phenlas o Andreas Schleicher so si direktoro pe edukatciako than po OECD thaj inkrelas respensebilita pe kado rodipe pe shvedicko skola.

So maj but alosaripe so tut si thaj biris te keres kado so maj zuralo musaj o systemo te avel ando them, jekh buchi so shvedo shaj te kerel si kodo te shiol jekh maj kontrolovano alosaripe - kontrollerad valfrihet ande skola, te birin e dada thaj e deja te dikhen sa e resursura thaj te birin kodol so trajin maj chores te len jekh lashi edukatcia.

E fria skolvalet - phuterdo skolako alosaripe so si ando shvedo lel kritika thaj trobuj te kerdjiol maj kaver, phenel OECD te birin sa e familji te alosaren jekh lashi skola.

Pasha kodo mangel OECD te avel jekh nationalno institut so lela buchia te zurarel e sikavnengi thaj rektoronge kompetenso.

Andreas Schleicher phenel ke si 28 institutci adjes thaj phares si te kerel pe jekh lashio systemo kana sas si kade fragemtovano. Lärarutbildningen - Sikavnengi edukatcia si adjes kerdo pe 28 thana thaj kado si za but phenel o OECD.

Ande kadi buchi keren von jekh koperatcia jekh dikhipe mashkar shvedo thaj finlando khaj e sikavnengi edukatcia si kerdi pe 8 thana.

Pasha kado mangel OECD te lel skolaki inspektcia - Skolinspektionen jekh maj bari responsebilita te kerdjion e skoli maj lashie ando Shvedo.