Nationalno

O WHO anel andre nevi lista drabengi po Hepatit C

O världshälso organisatsia kerdas nevi lista pe save varzni medecini kaj site birin savori te len pa intrego luma si pansh medecini po kale bukesko-nasvalipe Hepatit C.

Kado si angluno razo so o WHO lel andre medecina kaj kerel opral jekh dopash milijono koroni pe jekh kur.

Ando Shvedo den kadal proshki manushen kaj si maj zurales nasvale, ke te dena savoren kerdof opral 24 milijardora koroni, maj but sar intrego themsko medecinako budgeto.

Po patientföreningo pe Hepatit C positiva, loshan anda WHOs decisija, thaj kamen o shvedisko regeringo akana te zutin intregi 50.000 manushen kaj si perde ando them te den le effektivno medecina.

WHOs lista si vi neve kutch draba pe ruzni cancer, sar bröstcanser thaj leukemi.