Neve shvedoske sakonoria de khatar tehara
De khatar o pervo juli so si tehara shaj mukhel jekh Eu-citisenso pesko passaporto khere tala o semestro aj te tradel mashkar e Eu-memberoske tema kusa jekh nationalno id-legitimatcia, vi maj kutchi si te avel glati andi förskolor aj o kririkovano sitcharimasko legitimatciako reformo so te avel kherdo gata.
Kado si uni anda e sakonoria so lelpe o pervo juli. E Zara Warglo si cherutni pe o tan professionsutveckling ando Skolverket.
- Sako sikamnitori trubul jekh sitcharimasko lil te shaj inkherel studie aj te del betygoria. Te si ke azukherel o manush jekh legitimatcia atunchi o rektor vaj e shkolaki cherutno alosaren te si ke shaj del kudo manush studie tala e vrama so azukherel.
Kado phenda e Zara Warglo si cherutni pe o tan professionsutveckling ando Skolverket. Kaj o P4 Skaraborg.
Kado reformo las kritika anda saer for examplo e azukherimasko vrama kaj o Skolverket so si von kaj den avri e legitimatcia anda kudo ke lungo vrama zalas aj ke but sikamnitororia inkhe azukheren numa ke silen o shajipe te sicharen.
Te shaj lel so maj but studentoria kvalifikovano sikamnitororia si ando jekh nevo sakono so snatchil ke maj vuchoro si e shkolenge te den studie pe distanso kaj e sikamnitororia shaj avel le len kontakto e studentonza kusa jekh länko vaj pe o interneto.
- Te shaj len lashe studie ando dejaki chib kusa vucho kvaliteto numa ke naj kadja bu studentoria pe e shkola so den duma kudo chib. Moderno chiba aj vi khaver subjektria kaj ame zanas ke shaj vasdel o kvaliteto pe o sicharimos.
Kado phenda o khaver bersh o Gustav Fridolin so si edjukatciako ministro kaj o Ekot.
O regeringo vi khamel te dikhel ke ternimata so nakhle criminalne actsie shaj beshen lengi vrama fugo pe o ungdomstjänst. O ungdomstjänsten si jekh alternativo pe lovengo strafo vaj temnicako strafo, aj snatchil ke e terne si te kherel butchi ivja pe eriatchake vaj pe kurke aj vi te len tan adni orbimata kusa o socialo tala sa kudo vrama.
Numa adjes shaj zal lungo vrama angla te lelpe o terno lengo ungdomstjänst, len vi silen e posibilita te naj zan ando ungdomstjänst numa ke sas dino kudo strafo. Akhana si te avel surjarde e reguloria.
Sar for examplo si te avel lino tele o formuleringo ke e terne musaj te acceptin o strafo, aj o socialo len e butchi te lelpe o strafo maj fugo sar adjes.
- Ame khersa maj jasno ke o ungdomstjänst trubul te lelpe tala duj shon pala kudo ke avilo o verdicto aj kudo del jasno signaloria, kado phenda o Morgan Johansson so si justitieministro ando shon januari ando SVT.
Vi si te avel maj kutchi te avel tu glati ando förskola. Ando Shvedo naj e kosti naj putchinde khatar o skato numa e njamoria musaj te putchinen jekh kosti so si todino khatar e komuna, numa si jekh maximalno kosti sar jekh chardako pe sode shaj avela e kosti.
E kosti si todino pala sode love e familka chirdel andre, aj akhana si vasdino kudo chardako de khatar 42 000 kroni zi ka 42 890 kroni. Kado snatchil neve maximalno kosti te shaj avel tu glata andi förskola.
E shvedoske citicentonge so si te traden mashkar e EU tema si te avel e chansa te mukhel pengi passaportotia khere aj te traden kusa jekh nationalno identifikatsiako lilesa. Maj angla sas e chansa te trades andi Shengen eria kusa jekh identifikatsiako lil numa akhana vi si te avel e chansa te trades andi Bari britania bi pasaporto.
O paruimos si jekh khotor andi butchi te shaj zas libero mashkar e EU tema.
