Nationalno

Romane shavorensa kezdin ande shkoli anda eu-migrantora

5:10 min

Kana le vulitsi ando shvedo perdjile manushentsa kaj beshen avral thaj mangen love, kezdisarde e raklora ande shkoli te penen nasol bajora le romane shavorenge

Sar ke lengi dej vaj ke lengo dat beshen thaj mangen love, thaj o zanglipe ke si ruzni rom tha vici zurales cinoj. O samuel kaj si jekh anda shavora kaj naklas kasave kommentarora pendas amenge

O samuel dikel pe kado maj but sar ke perasa keren lesa leske kollegora, thaj penel vi ke bishade leske patreto po telefon ke pale dikle leske dades avral sar mangel love. O David kaj si le samuelosko dat penel ke, lesko shavo chi lel kado po baro , ale ke leske kado perasa, ke vi vof kana sas maj cino naklas but nasolipe ande shkola kaj sas rom ,thaj ke trubojas ande adjesutni vrama te mezij inachej.

Kado kerdjilas so maj normalno le manushenge te diken le Eu-migranton avral pe vulitsi kaj mangen le love, feri sa kade normalno barile vi maj nasol kommentarora karing le rom, thaj butivar panden le romen kethane le mangitorentsa, thaj kado dikel but e Mia Taikon kaj si pedagog ando Forum för levande historia. O Forum för levande historia si jekh than vaj myndighet kaj kerel buchi anda demokratsija thaj pe manushikne chachimata. Von inkren workshops thernjimatonsa kaj vasden opre pushimata pa diskriminatsia, thaj e Mia las sama pe peski buchi ke butivar gindon le thernjimata kaj aven ke le rom si le tiggare vaj mangitora vaj tena panden le kusa finiska rom, thaj shunel che chorres vorbin pe le rom.

E olivia kaj kerel buchi ando fritidsgård,penel ke kaj voj kerel buchi si but romane shavora, thaj penel sakodo so e Mia Taikon ke o maj baro grundo kaj naj o zanglipe keren mobba le romane shavoren anda lengo etneciteto ande shkoli, thaj ke avilof maj feder te vasdof opre romen kas si satus vaj maj bare resultatora ando trajo kam atonchi ashardof le gaze ke na sako rom beshel thaj mangel love. E oliva penel ke truboj maj but informatsiji te avel ande shkolake kevnji pa romengi historia.

E lisa, vi voj sar o samuel butivar shunel sar keren perasa pa rom ande shkola thaj voj zumavel te tlomachij peske kollezankenge ke si but ruzni rom thaj ke laka familija si love, von chi mangen love.

Voj vi penel ke aba kinjilas pe mangitora vaj tiggare thaj ke truboj te tlomachij ke si ruzni rom, voj kamel von aba te tradentsr khere ande pesko them khatar avile.

Vi o David penel sar e Mia Taiko thaj e Oliva ke le shkoli trubon te len maj bari responsibilita thaj te bararen o zanglipe pa rom, thaj te tlomashin ande shkloi sostar si rumoniska rom beshen avral thaj mangen love, ke vov chi kamel aba lesko shavoro te shunel nasol vorbi, ke shaj chi kamla aba lesko shavora china chi te pirel ande shkola. Thaj vof kamel lesko shavoro te loshal te avel dumno ke si rom thaj na te daral vaj te garovel kon vov si.