Katarina Brandlöv- Rova, Kuva: Pia Lakkapää Sveriges Radio
Meänraatio
Katarina Brandlöv-Rova: Vihtoin viimen mie olen tullu perile
Meänraation kesävieras Katarina Brandlöv-Rova vihithiin papiksi aivan vasta Luulajassa.
– Viimen mie olen tullu perile, tie sinne on ollu hankala ja mie olen useasti eppäily itteä, mutta joka kerta Jumala on auttanu minua, sannoo Katarina.
Ette jättää kanttorin työn ja alkaa papiksi ei ollu päivään selvä asia hälle. Hän hunteerasi kaks vuotta ennenkö teki päätöksen, sukulaisitten ja ystävitten tukevanna. Viien vuoen lukemisen jälkhiin hän on saanu työn Luulajassa, mutta toihveena olis ette saaja olla pappi kotikylässä Korpilompolossa.
