5 folk festivlo
O radio romano gelas te dikel so si o 5 folk festival aj so kote kerelpe, so man anglones maladas ke perdo manush perdo gaze kote sas, kodol so sas kote kelenas aj bari losh sikavenas.
O rom o Marko pendas mange ke vof kote gelas te maladzon manushentza aj te shunen shukar dzila.
Maj dor gelen aj araklem jeke phure romes so bushol Milosh, aj vov pendas mange ke kado si jek zurales shukar festivalo.
Piros krojal o Kungsträdgården po festivalo aj rodos romen te shaj pushav man maj dur sar von atcaren pa kado fesivalo, ale kaj chi boldos man sas but manush gaze ale nas but rom.
Ande publika angla stcena arkalem romnjan so beshenas aj dikenas aj shunenas pe e artistora katar e 5 minoritetora so sas pe stcena.
Gelem lende te pushav man lendar kaj e rom si, sostar naj e rom kote po kado festivalo, sostar chi avli rom kote.
O romnji pendas mange ke e rom chi aven po za but gazikane artistora kote sas aj la kadal artistora chi tcalijon.
Pushlem latar sostar la kadal artistora chi tcaljion aj von pendas ke chi atcarel so von djilaben.
Gelam majdor te dikva so e rom penen aj pushlem katar jek romnji anda stockholmo so bushol rosmari sar voj atcarel.
Akanak savori so sas kote zukarenas pe e grupa anda ungro e etno roma, von sas e majbari atrakcia, kadi paratca.
Ale kana von sas te zan opre pe stcena las o brishint te shorel o rondzetora te maren aj me gindojas ke e manush e gaze zana kere, von feri line parasolki avri aj line te kelen kaj kadi romani grupa.
Musaj te penav ke mila sas ke nas majbut rom kote, mila po chi dikle shukar kontceroto shukare dzilantca.
Ale o festivalo kerdas kodo so lesko gindo sas, e 5 minoritetora sikade pes e manushenge, sitcarde kodolen so sas po festivalo pa peske kulturi.
Aj e romani kultura ditcilas majbut anda sa so kote sas, kana e etno roma dzilabenas o gaze kelenas bara loshasa. O brishint shorelas aj von majdor kelenas.
Pushlem man katar jek gaza so voj gindoj.
Voj pendas ke si zurales intceresno lake, voj zanelas ke kadi grupa e etno roma si anda ungro. Aj ke kadi musika kerel e manush te kelen.
Tume so chi sanas po kodo festivalo shaj zan ando 23 juli po vi atuntci si te avel jek 5 folks festival aj vi atuntci si te avel jek romani grupa te djilabel.
