Internationalno

Kodol so traden po semester zutin azylonton

3:30 min

Kado si importanto te zutis manushen so trobuj len zutipe, kado penel Anne Marie Ilskog kana del andre 20 kili bagazo extra pe kopenhagako aerporto.

Voj kidas andre gada aj paputci krojal peske pindzarde manush te shaj von kado den kaj e azylantora.

E firma Tomas Cook so inkerel e Danitcko Spies aj e Shveditcko Vingresor bishade jek shion kodoleske jek aerplano so sas zutimata andre kaj e ö/vyspa Lesbos, kote avile ezera syritcka azylantora kado bersh. Kana e media zanglas avri mangle pasagerora so traden lentca chi vi von shaj len pesa zutipe. Aj akanak kadal firmi meken e manushen te len pentca zutipe kana traden ando Greko.

E manush ande Dania chi daran katar azylantora

E danitcko firma Spies las zurales but reklama katar kado, aj e resor ando Lesbo si sa avri bikinde.

Ando shvedo inke nas baro gindo katar e manush so traden ando Greko te len pesa zutimata e azylonton. Kado shaj avel ke e media chi las opre kado pushipe sa kade zurales sar e media kerdas ande Dania.


O Mathias Bergendalh so si Nordisk Informationschef TUI Nordic/Fritidsresegruppen penel ke von line jek pushipe po facebok katar jek rezenero chi von shaj len pesa zutimata ando Kos te den azylonton. Aj atuntci ame diklam pe kado pushipe, aj kerdam expandatcia amere klientonge ande intrego Skandinavia te shaj len pesa 10 kili extra bagazo kana traden ando Greko vaj ande Sicilia te den azylonton zutipe kote kaj von traden.

amen naj sar te zutizaras kodolen so len pesa zutimata so von si te keren, kodol so len pesa zutimata musaj jegzene te zan kaj e organizatcji aj te meken e zutimata kote lende.
Kodol dzelora so e azylonton trobuj naj aba kada aj paputci, akanak len trobuj sanitarne dzelora, kasave sar sapuja aj shamponora aj kendevora.