Akanak: O murce kaj kherdas o attacko mulas

2:23 min

Adjes ande Trollhättan ande shkola Kronans skola avilas jek mursh maskasa aj atakulisardas bute zenen ande kadi shkola ando Trollhättan.


Atackulisardas e sikavnes anglunes. Pala kode phirlas krujal systematicnie thaj rhodelas manushen. 

Mardas po vudar ande duj klassa thaj kana phuterde e shavora shindas le direktnie churasa po than.

Akanak kherel e policia buchi te phandaven thele e shkola majdur. Thaj vi ande bolnjica si policiantura te inkren e situacia thela kontrola.

Jek elevassistent thaj jek shavoro 17-bershengo mule katar peske skodora vaj dukhajimata so las ando atako aj jek chavoro mulas katar kado atako.

Duj zene, jek 15 chavoro aj jek studentongo assistento si tela operatcia ande bolnica anda shinimata zurake.

O mursh so kerdas o atako sas pushke dino katar o policia aj vi vof si ande bolnica aj ande operacia.

Adjes e policia zanglas avri ke sas jek darajipe karink kadi shkola ale e policia chi kamel te penel kanci majbut pa kado.

E bolnici krujal Trollhättan mangel manushen te shaj zan aj te den rat.

O utbildningsminister Gustav Fridolin penel kaj o Ekot ke kado si jek zurales nasul dzela so kerdaspe adjes, aj si zurales paro e familjenge so si hamime ande kado atako.

- Sa amare gindura zan kaj kodol so si dukade kote, kaj lenge familji aj kaj kodol so si lenge pashe. Kaj sa e mansush so si ando trollhättan kaj atcaren jek dar so ame nashtik atcaras aj te shuvas amen ander ande kado. kado pendas o Gustav Fridolin edukaciako ministro.


O Inrikesminister Anders Ygeman pendas kaj o P4 extra ke vov gindoj pa kadal familje aj lenge pashe bari briga aj bari duk si les anda kado atako, vi man si chavora aj feri dav man gindo aj chi zanav so te kerav mantca. Kado atako si zurales nasul aj choro sa mure gindo si kote lende. Kado pendas o Anders Ygeman inrikes minister.