Shvedo las than ande Olympiada

1:19 min

Shvedo las than ande olympiako khelipe ande vasteski lobta - Handboll so avla kado milaj kana avla e olympiada kado milaj ando Rio ande Brazilia.

Shvedo shajas te vestoj o matcho aratchi karing Espania kusa 2 lopti thaj kana ashile 5 sekundi zhi khaj o agor e matchosko vestojas o Shvedo 3 loptenca karing Espanja thaj o Shvedo las jekh shudipe khatar 6 metri thaj o Niklas Ekberg kerdas te avel 23-25 thaj o Shvedo vestosardas kusa duj lopti thaj kado kerdas ke o Shvedo las than ande Olympiako khelipe.

Tobias Karlsson khaj si kapitano ande shvedo phendas ke soha nas leske kade mishto pala jekh vestosardo matcho, ke vi te vestosardas o shvedo o matcho nakhlas o Shvedo perdal e doshasa ke Espania vestosardas karing Slovenia ande grupa maj anglal.