Krisi po internetosko pedofilo

1:12 min

Adjes lel pe e krisi karing jekh 46-bershengo mursh anda Ulricehamn e doshasa ke vov kerlas sexualne djungalimata karing 114 chavora.

O mursh kerlas djungalimata tela jekh hohavno identiteto thaj phenlas ke sas vi jekh maj terni djuvli thaj vi jekh maj terno mursh thaj diljarlas e murshoren thaj e djuvlioren te nandjaren pe thaj te keren diferentne sexualne aktura pensa angla jekh webbkamera.

Univar sas e chavora 12 bershenge so nakhenas kado lestar.

o 46 bershengo mursh tordjiol ande krisi ke kerdas phare sexualne djungalimata thaj djungale chavorenge pornograficne buchia so si kriminalne.

E advokatka Margareta Esplund inkrel kado 14 chavorenge thaj voj phenel ke kado avla jekh phari krisi e ternenge so nakhle kado ke e ternimata dosharen pe korkori.