Shvedosko narodo barol

1:48 min

E dosh khaj kado si ke maj but manush aven andre ando Shvedo thaj maj but manush arakhadjion sar khaj meren.

Kodo ke maj but manush arakhadjion sar khaj meren thaj e bari migratcia andre ando Shvedo kerel ke o narodo barol kusa 150 000 manush sako bersh thaj kadalesa sikavel e prognosa 13 miljonura manush ando bersh 2060.

SCB pachalas ke o narodo nakhela aba 10 miljonura tela kado bersh 2016, feri ke e sifra si akanak shudini po kaver bersh, kado shaj te mezij chudno feri e expenatcia khaj kado si ke e buchiara ande Migrationsverket chi ushpejin te den e decizia savorenge so zhukaren pe penge permisi ke za but buchia si pe e buchiara.

Jekh kaver buchi so sikadjilas tela paluno bersh si kodo ke maj but mursh sas ando Shvedo sar djuvlia thaj kado si angluni data khaj kade si, feri vi te mezija kade maj angle shaja kodo te parudjiol ke e mursh so aven ando Shvedo traden vi butivar palpale ande penge thema, phenel e Lena Lundkvist anda SCB.