Expertura: Zuralo pollen-sezono

4:37 min

O sezono po pollen avilas kathe, thaj mezij ke maj zuralo avla sar o bersh angla kado, gindon le expertura.

 Ferik ke na sa kasavo zuralo sar o rekordosko bersh ando 2014.

E Åslög Dahl, si expertka po pollen thaj rhoditorka ando Göteborgs universitet.

- E prognosa mezij kade ke akanak sam po agor ke den luluga e al-kopacha vaj o alblomningen, thaj pa trin kurke kade cirka shaj zukaras ke le björkar lena te den luluga ando södra Shvedo. Kado dichol pa le björk kopacha thaj djal te ginaves avri pa jek modelli che tato sas o paluno bersh thaj sode le kopacha dine luluga o paluno bersh, phenel e Åslög Dahl.

Vi ande apoteki line sama ke las pe zurales kado sezono po pollen, sikhavel jek rhodipe kana o Ekot kherde telefono krujal kaj apoteki. O Magnus Frisk, kherel buchi ande komunikaciako departemento ande themeski Apoteka.

- Ame birisaras te dikhas pa amare bikinimaske siffri ke o pollen sezono absolutnie las pe akanak, o bikinipe si pe duvareste majbut sar normalnie, phenel o Magnus Frisk.

Medicini po pollen bi receptongo shaj butivar kheren maj letki te aven le symptomura kusa kadi allergia, ferik ke chi kheren ke hasajven safsiom. Thaj vi chi avile inke djipon so varesoske preparatura kaj kherde revulucia po marketo.

- Naj inke niesteti, ferik ke si tabletki kaj zutin bute djenen, me jekzeno hav kasave thela sezono kaj si o pollen thaj zutij le majbuthen thaj si vi antihistaminer kaj kheren ke e manushesko stato chi reagulij kade po pollen. Pala kode si kodol kaj phandazol lengo nakh, thaj atunchi shaj zumaven sprayo nakhesko kaj si andre kortisono thaj si vi kropli vaj droppar ande jakha kodolenge kaj handzon lenge jakha thaj shordzol asva, phenel o Magnus Frisk anda Apoteka.

Jek anda kodol kaj zanel kadal syptomura mishto kaj o Magnus Frisk vorbias pa lenge si e Juliana anda Stockholmo. Thaj phenel amenge ando Radio Romano ke sako razo kana kado sezono pe pindjardi pollen allergia avel si lake zurales pharo.

E sezona po pollen inkrel sar standardo katar e perioda angla milaj zi pala milaj, zaleznie kaj ando them o manush trajij thaj che slabo si e vrama. Akanak si zukarde maj uche temperaturi thaj kadalesa vi majbut pollen, phenel o Magnus Frisk.

- Shaj del pe o manush gindo kaj si sensetivno po pollen te dikhel pe le rapportura po pollen thaj pe vrama, thaj tena djas avri kana djanes ke but pollen si avral. Shaj vi inkres e felastra phandadi ande soba kaj soves, tena shuves chire gada avral te suchon. But pollen shaj vi ashel ande bal, shaj halaves cho shero zipon djas te soves. Eksera kasave bajura shaj kherel o manush, phenel o Magnus Frisk anda kommunikaciako departemento ande themeski Apoteka.