Nihkáluokta

Giellalávgumiin movttidahttet ohppiid

Giđđat lávejit sámeskuvlaoahppit čoahkkanit giellalávgumii, dainna mállen movttidahttit oahppiid sámástit. Mii čuovuimet Nihkáluktii gos 25 oahppi besse hábmet ovttas dáiddáriin. 

Giellalávgun prošeakta lea Sámedikki giellaguovddáža ja Sámeskuvlastivrra ovddasbargu. Dál lea Sámedikki giellaguovddáš mii ruhttada prošeavtta masa lea várrejuvvon 450 000 ruvnna.

Åsa Blind lea oahpaheaddji Jiellevári sámeskuvllas ja su mielas lea dákkár giellalávgun dehálaš ohppiide.

- Dá lea buorre ohppiide nu besset gullat sámegiela ja gullat ahte mánát sin agis ságastit gaskkaneaset sámegiela.

Prošeakta álggahuvvui diibmá ja buot sámeskuvllat leat mielde ja juohke sámegielas lea giellalávgun. 

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Sveriges Radio