EU-parlamento alosardas jo pe registra

1:44 min

Akanak dena e aeroplanonge firmi avri e anava pe kodol so khinen biljetura andre thaj avri anda Europa.

Shvedicko policia phenel ke si uni positivne buchia kadala registrasa thaj kodo si ande investigatciake buchia phenel o Christer Engberg so kerel buchi pe nationella operativa enheten pe policia.

Ande kadal registri kusa normalne pasazherura avla sa khatar e manushenge anava, telefonura, e-mailura thaj vi bankovi kontura.
Kadi informatcia avla ande nationalne databazi ande 5 bersh.

Kadi informatcia shaja feri e policia thaj garudini policia te hasnin te roden opre teroristicne buchia vaj kaver zurales kriminalne buchia.

Shvedo las 10 miljonura koroni khatar EU te vazden opre jekh kasavi registra.

O propozalo sas tela lungo vrama kontroversionalno thaj negosiatci sas opral 5 bersh thaj o prlamento alosardas aba jokvar na, feri pala e teroristicne buchia so sas ande Paris thaj Bryssel parudjilas o ghindo butende.