Kartcienge hohajimata vazden pe

2:08 min

Tela e bersheske anglune 3 shion avilas zurales but kriminialne hohajimata pe manushenge kartchi - kortbedrägerier.

O vazdipe si 100 procenti mashkar e bersh 2015 - 2016 thaj mashkar e bersh 2014- 2015 sas o vazdipe 60 procenti, kadal kriminalne buchia vazden pe zurales but phenel o Jan Olsson anda policiako nationalno hohajimasko centro - bedrägericenter.

O vazdipe si kasavo baro ke e policia soha chi dikhlas kasavo vazdipe ande kriminalne buchia, jekh dosh khaj kado si kodo ke o strafo naj baro thaj pasha kodo si zurales phares te avel o manush astardo khatar e policia.

Tela e bersheske anglune 3 shion sas karing 25 000 buchia opre dine khaj e policia pa komputeronge hohajimata - databedrägerier.
E buchia so manush den opre si kodo ke varikhon khindas variso ande lengo anav vaj bare kreditura sas line pa internet.

Problemo si chi birij o manush te kerel variso,kado shaj te kerel pe savorenca, kodo so e manush musaj te keren si te len sama pala penge personalne numera thaj te phandaven penge numera thaj te den opre e buchia khaj e policia kana variso kerel pe, phenel o Jano Olsson anda policiako nationalno bedrägericenter.