Historia Holocaust pa e Roma

5:37 min

Rajko Djurich si doktor profesor thaj jekh kotar e anglune roma savo kerdja rodipe so kerdjape ando dujto lumako maripe e romenca.

Vov harmosrad e kevnja "Historia Holocaust pa e Roma" vovo phenol kaj but ljilja i vrama te pindjaren kaj sas Holocaust pe roma.

Manushikano mudaripe pe roma, serber thaj judar sas kerdo telal o dujto lumako maripe ando than savo puchol Jasenovac katar e NDH ( Nezavisna Hrvatska Drzava) savi kerola koperacia e Nacistonca ando Njamco, o logori sas kerdo katar e rig e militarengo save telal o dujto lumako maripe puchona "Ustashe".

Vorbilpe kaj e anglune logorashi sas e roma, palo godo e serbia thaj judar. Ando logori anolpe vi e komunistia, vaj hrvatia save sas simpatiseria e serbonge e romenge thaj judar.

O Jasenovac sas o maj baro koncentracino logori ano Balkan vov sas baro 240 kvadratne kilometria kerdo sas pashe e ljen savi puchol Sava. Uzalo akava logori sas vi than logoria kaj plaserinena e djuvljen savo puchola Stara Gradishka, e cikne chavoren ingarena ando Sisak, thaj vi javer fabrike vaj barake kaj chidena e romen serbon judar thaj javer personen ande logoria.

E logorashi phirena telal vaj ando vozi-tåg savo transportirinenape e zivotinje- ziganje thaj sa odola save chi birina te phiren mudarenape brutalno po drom.

Naj chachi cifra kobor djene mudardepe ande logoria ando Jasenovac telal o dujto lumako maripe, vorbilpe kaj sas mudarde dji ke 1, 2 miljionia manusha.

O Rajko Djuric phenol kaj chi sas dumut pindjardo kaj sas logori andi Jasenova, thaj pa piri buchi kaj mudardilje e roma ande logoria phedas gade.

O Rajko Djuric savi kerda e pustik pa o Jasenovac, phenol kaj but si importantno te na bistrenpe e manusha save mudardolje ande logoria, thaj kaj e nevi generacia trubul te sichon so kerdape thaj sostar kerdape te na kerope maj shora gade pa o mansuhipe.