"Dopash acharas amen"

4:19 min

Tjehicko ombudsman phendas ke karing 90 000 romnia nakle steralizatia ande purani Tjehoslovakia  mashkar e bersh 1971 -1991.

Marina jekh romni so trajij ando Tjeho acharel jekh dukh, jekh dukh ando hjilo ke e sterilizatcia kerdas ke voj chi acharel pe sar jekh djuvli ke e sterilizatcia kerdas ke voj chi birij te del maj bute chavoren pe kadi ljuma.

E sterilizatcia kerdas vi a Marinake problemo ande laki familja, lako rom holjajvelas pe late.

Pasha Marina tordjiol jekh kaver romni e Natasha, vi voj nakhlas sterilizatcia feri voj nakhlas e Sterilizatcia maj anglal ando bersh 1991, Natasha phenel ke la sas 4 chavora kana kerde lake kadi sterilizatcia.

Natasha acharel jekh dukh thaj holji anda e Sterilizatcia, ke voj lelas sama pala peske chavora, nas soha problemura thaj vi kade sas voj dukhadi po trajo e sterilizatciasa.

Akanak maren pe but romnia ando Tjeho thaj Slovako anda peske chachimata thaj mangen kompenzatcia, Elena Gorolova jekh kaver romni so tradel pa intrego Europa thaj vorbij pa kadal sterilizitciake pushimata phenel so von keren.

Ame chi djanasas so von amenca kerenas, phenen sa e romnia kasa Radio Romano vorbij.


Mangenas amen te skirisaras telal jekh lil, feri ame chachimasa chi achardam so kote skrij pe phenen e but romnia.

Kana ame pushas amen khatar e romnia chi von djanen sostar kadal sterilizatci si kerde pe lende, keren sa anda shero.
Ame sam romnia thaj von chi kamen te arakhadjion maj but rom pe kadi ljuma, phenel e Marina.

Ando Tjeho phenel pe ke akanak chi kerel pe sterilizatcia ilegalno pe romnia, pachal pe ke maj paluni data sas mashkar e bersh 2007 - 2008 feri e Natasha chi pachal pe kadal vorbi, voj shundas variso kaver khatar kaver romnia ando Tjeho.