Atakura tirontsa maj phares neva teknikasa

5:09 min

Digitalno teknika site kherel maj phares te kerdzon neve terroristicni attackura ando Shvedo.

E vurdonesko limita che sigo tradel, birija te avel kherdi naj njisko kusa jek forosko nätverk vaj networko, phenel e phenel e Anna Johansson (S)

- O fallo kadala teknikasa naj kade but te ashaves te avej jek tiro chordino sar kaj sas o fallo pe Drottninggatan, ferik ke o gindo si ke kadala tekinkasa te shaj kheres maj cera effekto kasavo attacko te del. Shaj phenas ke kadala teknikasa si o gindo vaj te ashaves jek vurdon tena birij te tradel andre ande jek zona vaj te kheres maj lokhes te tradel jek tiro ande jek specificno zona.

Majdur phenel e Anna Johansson ke kado chi ashadov thele o terroristicno attacko, ferik ke kherdov maj slabi te aven leske effektura.

Pala o terroristicno attacko kaj sas kherdino pe Drottninggatan ando Stockholmo ando april shon akhardas e Anna Johansson le branschaktoron te diskutulin so shaj kheren o tena kherdzol kasavo bajo pale. Thaj o angluno resultato katar kado insatso si vare so bushol geofencing, jek tekniscno solucia kaj birij te kheren ke ashadzon vurdona te traden ande unji geograficni kotora le themeske.

E teknika akanak si thela jek progresso ande buchi khetanes kusa o Volvokoncernen, Trafikverket thaj e Scania, thaj avla zumadini ando Göteborg vaj ando Stockholmo thela 2018-bersh.

- Te avilov kadi teknika po than kana sas o terroristicno attacko kherdino barij e chansa ke kam birisardov te ashaven e tiros tena tradel andre pe Drottninggatan maj kherdov musaj te avel te tradel maj lokhes. Kado te avilov ke si connectovano vaj phanglo kaj kadi teknika phenes e Anna Johansson ando TT.

Kaj majdur phenel e kadi teknika geofenco si sar jek digitalno falo.

- E geofenci si jek metoda te shuves opre digitalni fencura vaj staketi, kaj birij te kontrolulij zoni kaj vurdona shaj traden andre che vrami, thaj che limiti, phenel e ministerka pe infrastruktura e Anna Johansson majdur.

Ferik ke o teknicno realiteto majdur si jek kotor katar o chachipe te shaj o systemo te avel normalnie funktionalno ando Shvedo. Anglunes trobuj e teknika kherdini securno tena shaj avel phagli vaj hackovano, ferik ke vi mangel intregi vurdona vaj tirurura te aven andre systemura po gps vaj varesoske positiaki systemura te birin e vurdona te aven identifikovano thaj kontrolovani.

Thaj kado phenel e Anna Johansson ke si jek pushipe maj angle, voj phenel ke biris te shuves andre kadi teknika ande kodol vurdona kaj so trobuj, thaj vi shaj shuves kravo te avel kadi teknika ando vurdon te shaj kodo vurdon tradel ande jek territoria vaj zona, phenel voj.

Ando debatto kaj sas pala o terroristicno attako phutedas e vurdonengi branscha opre e possibilita pe jek nevo zakono kaj kherdov te avel musaj kodolenge kaj kheraven le vurdona te shuven andre stöldspärrar vaj chorimaske barriera ande neve tirura. E barriera kherdov le le neve vurdona automaticnie murdajlov jekzene te avla o chauforo za dur katar o vurdon. Kado pushipe majdur aktualnoj, phenel e Anna Johansson, ferik ke trobusardov organizovano pe jek EU-levelo.

Majdur phenel e Infrastrukturaki ministerka e Anna Johansson ke voj chi pachal ke kadi si jek teknicno solucia Geofence thele ashavela terrorismo, ferik ke kherdov maj phares te shaj chorres jek baro vurdon thaj te hasnis les ande jek attacko sar kaj sas kherdino po Drottninggatan ando Stockholmo.