Nevo talman ando riksdagen

E motivatsia kaj das o allianso kana nominulisarde le Andreas Norlen sar talesman: sas ke vov sikadas sar ordförande ando konstitutionutskott jekh bari zhor te resel bulhe kontraktora thaj vi jekhipe opral e granjitsi le partienge.

Thaj o ekots politishno reportero o Ivan Garcia kaj rapportulijas pa kado alosaripe vaj omröstning, das jekh raporto diretk anda riksdagshuset ando Stockholm, sar kado alosaripe sas kerdo.
 
Vov penlas ke kado omröstning sas sluten vaj privatno sako ledamot alosardas jekh alosarimasko lil, kaj shute ando jekh koperta thaj pala kodo sas sako jekh akardo angle te shuden o lil andre ande jekh alosrimaski-vaza, thaj kadi prosedura las karing jekh tjaso.

Pala kado sas puterde sa le lila thaj ginavenas pe kaste maj but glasora sas dine, thaj sa kethane sas 348 aktualni glasora, 203 glasora njirisardas o Andreas Norlen thaj 145 glasora las e socialdemokratka Åsa Lindestam, thaj akana shaj shunas sar sar sas ando riksdagen kana putrenas avri e koperti te ginaven le glaosra te shaj den o resultato kon avla o nevo talesman ando riksdagen.
 
 
Kate shundan sar ginavenas opre le anava pe alosarimaske lila, kaj las pashti jekh tjaso, thaj o moderat Andreas Norlen si o nevo talesman , e Åsa Lindestam anda Socialdemokrater sas alosardi sar förste vice ordförande, ale maj palal adjes zukarel inke jekh alosripe po andre vice talman thaj pe kodi positsia si le duj kanditaora o Björn Söder anda Sverigedemokrater thaj e Lotta Johansson Fornarve anda Vänsterpartia.