Jikŋon 2/Frost 2

Sámi ovddasteaddjit gergosat Jikŋon 2 vuosttasčájáhussii Hollywoodas

2:10 min

Sámedikkiid ja Sámiráđi ságadoallit besset nieiddaidisguin vásihit Jikŋon 2 vuosttaš čájáhusa Hollywoodas. Dat golbma nieidda, geat leat visot seamma agis leat stuorra Jikŋon-fánsat.

Guldal maid Sámedikki ságadoalli Per-Olof Nutti ja su nieida Ellá Márge muitaleaba iežaska vásáhusaid birra.

Sámedikki ságadoalli Per-Olof Nutti ja su 10-jahkásaš nieiddaš Ellá Marge leaba oassin sámi delegašuvnnas geaid Disney leat bovden Jikŋon 2/Frost 2 premiäradoaluide Ámerihkii. Filbma lea viežžan inspirašuvnna sámi kultuvrras ja lea dahkkon ovttasbarggus sámiiguin.

- Dat nu vel soittii, ahte buot min presideanttain leat juste seamma ahkásaš nieiddat. Dat lea dego livččii čállojuvvon girjái ovdagihtii, ahte galggai dáhpáhuvvat dainna lágiin. Dat lea juoga ládje hui erenomáš, dadjá Per-Olof Nutti, stivrraságadoalli Sámedikkis Ruoŧa bealde.

Gaskavahkku sii besse mannat Disney-tevdnenstudios. Duorastateahkeda lea de áigi vázzit rukses máhtus ovttas Hollywood-beakkálmasaiguin.

Davviriikkain čájehuvvo filbma juovlamánu 25. beaivve.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet: