Socialtjänsten shol kravo po regeringo te paroven lenge zakonora

6:08 min

Ando Shvedo naj feri o vårdo kaj nakhel phari vrama anda Coronaviruso. Vi e komunenge socialtjänster acharenpe zorales presovane anda kadi pandemia. Akanak mangle e komuni thaj e regioni, SKR, kathar o regeringo te paroven uni zakonora te birin te den peske rada ande kadi situatsia.

Åsa Furén-Thulin, sektionschefojka pe le SKR:s socialtjänst pushimata phenel kade:

- Aba akanak aj nakhen e socialtjänstora ando them jek zorales phari vrama anda o nasvalipe covid-19, thaj anda kodo manglam ame kathar o regeringo te dikhen perdal e buchi kaj site avel kerdini kathar o socialtjänsten maj angle, e buchaki metoda site pasoli pala sode buchara si po than ande penge tjänstora, phenlas e Åsa Furén-Thulin sektionschefojka pe le SKR:s socialtjänst pushimata.


Shvedoske komuni thaj e regioni bishade andre jek subli-catsia kaj o regeringo pa 14 zakonoske parojimata, kado kerde von ke kamen te kerzol e buchi maj ljetko ando socialtjästen tela Corona vrama. Jek anda le punktora kaj vazde si ke vi von kamen te keren buchi sar exemplo o vårdo kaj kerel, snachi te keren prioritacia pe le manush saven si maj phari situatsia.

SKR kamel vi e IVO decitsiji te aven dikle pherdal, kam te ashaven unji anda kadal decitciji jipon nachola e situatsia pa coronaviruso, thaj kado si anda kodo ke naj le dosta buchara po than. Inke so kamen te parozol si o riksnormo karing o försörjningsstöd, lovengo zutipe.

Pale e Åsa Furén-Thulin sektionschefojka karing SKR:s socialtjänst pushimata.

- Te si kade ke e shavora ashona khere anda shkola site avel o risknormo pe lovengo puchin opre vazdo, te avel vi e shavoren chabesko suporto phenlas e Åsa Furén-Thulin sektionschefojka pe le pushimata ando socialtjänsten.

Sode vrama kadal neve sakono site aven inkerde chi djanelpe, thaj vi sode sa kado koshtalia e themes naj djanglo, e Åsa Furén-Thulin kaj si sektions chefojka ande pushimata ando socialtjänsten phenel ke voj kamlov o regeringo te kerel parojipe pe kadal zakonora dosta sigo.

- Nashtik te phenas sode vrama inkrela o nasvalipe covid-19, ale jipon si kadi pandemia ando them trobuj sigo te aven kadal zakono avri parode, phenlas maj dur e Åsa Furén-Thulin sektions chefojka ande pushimata ando socialtjänsten.

E romnie e Emilia Huczko kerel buchi sar samhällsvägledare ando socialförvaltningen ando foro Uppsala, voj phenel ke e situatsia si zorales phari, kado si jek effekto kathar o Coronaviruso.

E situatsia si phari ke but manush navet vi daran te djan pe penge bucha anda coronaviruso, si vi kade ke but zene hasaren e bucha akanak kana si buchango kris ando Shvedo. Kon zuti kadale manushen ekonomichnje? E Emilia Huczko savi si samhällsvägledare ande uppsala phenel maj dur peske gindora.

Reporterka: Naghmeh Abedin

naghmeh.abedin@sr.se