Corona i Sápmi

Sámedikki politihkalaš barggut joatkašuvvet

Eastadan dihte korona njoammudávdda čoahkkanit sámedigge-politihkkarat nugo earát ge digitála reaidduiguin. Dál ii oro čuohcame politihkalaš bargui ja politihkkárat oidnet ávkki das go ohpet ođđa reaidduid geavahit.

Sametingets politiska arbete flyter på, även om Coronaviruset förhindrar fysiska möten.
Se inslaget i onsdagens Ođđasat, SVT2, kl.17.30 och på SVT Play.

Ruoŧas eai leat gildosat doallat čoahkkimiid, muhto Sámediggi lea mearridan rádjet fysalaš deaivvademiid. Sámedigge stivras lea leamaš guokte beaivvi stivračoahkkin.

– Seamma ládje go mii ieža dál doallat čoahkkimiid, mis lea seamma vejolašvuohta doallat oktavuođa departemeanttain. Nuppe vuoru de lea buorre deaivvadit ja čohkkat seamma lanjain. Muhto hástalus dat lea, ii duššo midjiide sámiide, dat lea hástalus olles servvodahkii, dat mii dáhpáhuvvá máilmmis, dadjá Per Olof Nutti, stivraságadoalli, Sámediggi.

Rádji stuorit olmmoš čoahkkanemiide Ruoŧas lea ain 500 olbmo, muhto máŋggat čoahkkimat leat maŋiduvvon dahje dollojit digitálareaidduiguin.
Bivdo- ja guolástansámiid bellodat lea šaddan maŋidit plánejuvvon jahkečoahkkima.

– Stuorraservvodaga politihkka, riikabeaivi ja ráđđehus bidjet návccaid korona njoammudávdii ja sii leat čielgasit dadjan ahte eará áššit šaddet vuordit. Dieđusge dat čuohcat sámepolitihkkii, dadja Håkan Jonsson, bellodat jođiheaddji, Bivdo- ja guolástansámit.

Vuoitun go bággehallet gulahallat aivve digitála reaidduiguin lea ahte nu seste ruđa go eai mátkkoš.
Boahtte vahkku vurdo mearrádus sámedikki jođihangottis movt dáhket miessemánu dievasčoahkkimiin mii lea plánejuvvon Stockholbmii.

– Dá sáhttá leat diekkár reaidu maid mii, beroškeahtát mii dás dáhpáhuvvá ovddasguvlui, oahpásmuvvát ja álgit eambbo geavahit, dan ektui maid ahte seastit ruđa ja luonddu, dadjá Per Olof Nutti.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet: