Giehtaruohttasis leat álgán namaid čoaggit ruvkki vuosttá
Minna Näkkäläjärvi muitala, ahte fuolla luonddus ja sámenuoraid boahtteáiggis lei stuorámus sivva dasa, manin son mearridii čoaggigoahtit namaid.
Nammačoaggin vulggii das, go dorvvolašvuođa- ja kemikáladoaimmahat Tukes dohkkehii várrenalmmuhusa Jiehtáčearu guvlui Akkerman Finland Oy -málbmaohcanfitnodahkii. Adreassa váldá beali buotlágan Giehtaruohttasii plánejuvvon ruvkefidnuid vuostá, ja vuolláičállit gáibidit ahte Geologiija dutkanguovddáš ja málbmaohcanfitnodat Akkerman Finland Oy geassádit eret Giehtaruohttasa guovllus.
– Mii boahtit vuostálastit dieid nannosit, ja namaid čoaggin adressii lea okta dákkár vuohki, dadjá Näkkäläjärvi, guhte gullá Giehtaruohttasa bálgosii ja Ergona siidii.
Akkerman Finland Oy fitnodaga beaivválaš jođiheaddji Jan H. Akkerman deattuha, ahte fitnodat ii leat vel mearridan ohcágo dat dutkanlobi Jiehtáčearu guvlui.
Loga ášši YLE Sápmi siiddus.
