Pharudzilas e luma sar kaj djanas la?
Naj phares te dikhes le pharujimata ande sako djesesko trajo kana manush krujal e luma si ande karantena ande peske khera, granjici phandandej thele, resturanura, teatrura thaj biografura shushej, pe vulici thaj ande bolti dikhes manushen ande maski thaj kistjuvi, thaj rapportura katar e media kaj phenen pa pherdo manush kaj meren, e katastrofa ande ekonomia, bolnjici, infratstruktura, edukacia thaj politika.
Thaj kadal si ferik si unji kotora anda konsekvensura katar o nevo nasvalipe kaj bushol covid-19.
Numa savo effekto kado ashavela pe luma maj angle ande vrama, thaj pharudzilas e luma sar kaj djanas la aba mindik thaj atunchi sar?
Ame anda Radio Romano maladzilam romensa anda Stockholmo kaj ulavenas peske gindura kana avel kaj kadal pushimata.
