Árvala Badje Sohppara luoddanamaid guovtti gillii
Gililuottat galget merkejuvvot Badje-Sohpparis ja eará giliin, Giron gielddas. Dál árvala Olov-Johan Sikku ahte namat galget leat guovtti gillii.
Byavägarna i Övre-Soppero och andra byar i Kiruna kommun ska få namn. Olov-Johan Sikku ser att namnen borde vara på två språk.
Läs sammanfattning på svenska längst ner.
Gávččinupplohkái gillái, Giron gielddas, galget luoddanamat mearriduvvot. Buohkat ožžot buktit árvalusaid. Olov-Johan Sikku gii lea Badje-Sohpparis eret árvala namaid guovtti gillii.
- Sohppar hal lea sámi gilli ja dápe leat maid láttit. Ja dat lea deaŧalaš ahte daid duođaštit. Jus šaddet ruoŧelaš namat de sáhttá dadjat ahte kolonialisma joatká.
Árvalusat leat boahtán gildii ja evttohusat leat máŋga. Sosiála mediain árvalit olbmot luoddanamaid nu got Sámeluodda, Sameslingan ja maid Äidin tie, eatni luodda. Sikku árvala guođđit eret ruoŧagiela oalát.
- Mun jáhkán galgá veháš friddjavuohta leahkit. Sámit mearridit iežaš sámi namaid. Ja jus láttibealli oažžu mearridit makkár nama ieža háledit. In jáhke galgá seamme nama geahččalitge ja de jorgalit, dadjá son.
Giron gielddas leat oktiibuot 18 gili mat galget oaččut luoddanamaid. Álggun lea Guhttása ja Badje-Sohppara vuorru. Dat lea danin go dat leat stuorimus gilit olmmošlogu ektui. Gieldda politihkkárat dat mearridit. Gunnar Selberg gii lea gielddaráđđi dadjá ahte áigot vuhtiiváldit gililaččaid árvalusaid.
- Sin galget bearráigeahččat buot golbma kultuvrra ja guldalit gililaččaid oainnuid. Muhto su oaidnu lea ahte ii leat buorre jus seamme luottas leat sierra namat. Guoská sihkkarvuhtii, jus ferte riŋget ambulansii dahje buollinčaskádeadjái, dadjá Gunnar Selberg.
Det ska beslutas om gatunamn i arton byar i Kiruna kommun. Alla har möjlighet att komma med förslag. Två av de byarna är de som har flest boende, Kuttainen och Övre-Soppero.
– Soppero är en samisk by, men det bor också icke samer här. Och det är viktigt att lyfta det. Om det blir namn på svenska, då kan man säga att kolonialismen fortsätter, säger Olov-Johan Sikku i Övre Soppero.
– Möjligtvis att vi måste hitta kompromisserna men jag tycker det är viktigt att vi lyssnar på byborna och att vi tar hänsyn till alla tre kulturerna. Däremot låter det inte i mina öron som ett bra förslag att vissa gator skulle kunna få olika namn. Det handlar lite om säkerhet och trygghet. Om man behöver ringa ambulans eller brandkår, säger Gunnar Selberg, kommunalråd i Kiruna.
