So maj but pushkajimata thaj explozie kerelpe ando Shvedo

1:19 min

O 34-programo avilasas avri ando shon september kuko bersh, thaj adjes sikazilas ke o koncepto chi das kasavo effekto kaj sas zukardo. O kriminaliteto feri maj dur barol.

Jek bersh nachilas te kathar o regeringo kerdas presentacia pe jek nevo buchako programo karing le kriminalne bucha ando Shvedo. Kado nevo koncepto sas te cinjarel e kriminalne buchan kaj e kriminalne grupi kerenas, sar gängbrottslighet.

Justitieminister Morgan Johansson (S), phenel ke von naj loshake karing so kerelpe ando Shvedo, ke si but pushkajimata. Vov maj dur phenel ke jek zurali buchi kerelpe sajek kusa kado programo kaj bushiol 34-punktsprogrammet.

Ale te avla kade ke o regeringo kamela te shiol neve zakunora karing kadal kriminalne bucha, musaj te aven e zakunora kasave te birin te aven inkerde ande krisa, thaj e prokorora te shiun shtrafora pa e neve zakunora, phenlas o Morgan Johansson ando SVT.

Reporterka: Naghmeh Abedin

naghmeh.abedin@sr.se