Parujipe avla ando AF te kathar 2021

1:27 min

Regeringo thaj le koperatciajke partiji Liberalerna thaj Centerpartiet line jek decitcia kethanes tela jek budgetkonferanso, te den 1 miljardo koroni kaj o Arbetsförmedlingen kado bersh 2021.

O gindo si ke o AF site khinel tjänstora, vaj bucha kathar privatne firmi, thaj kadal bucha site pasulin e manushenge kaj rodhen bucha pa AF.

Butivar sas o gindo te aven parujimata kerdi ando AF, thaj ando januariavtalet 2019 bersh sas decitcia line mashkare le koperaciake partiji thaj o regeringo te keren kado te khinen bucha kathar privatne firimi. Ale kado parujipe shudas opre o regeringo zi kaj 2022 bersh, feri ke akanak line aba te kezdin kadale buchasa, chi zukaren zi kaj kodi vrama, thaj maj but miljardora avna vi andre shutine ando budgeto zi 2023.

Kado snachi ke kaj o Arbetsförmedlingen avla nevi kontrala, vaj maj bulhi resposibiliteta pe ruzne bucha ando Shvedo, phenel Anders W Jonsson,o sherutno kathar e grupa ando Centerpartiet.

Reporterka: Naghmeh Abedin

naghmeh.abedin@sr.se