4 miljovnna lasi sámi kultuvrii

Sámediggi oažžu dán jahkái 4 miljovnna lasseruđa juohkit sámi kultuvradoaimmaide. Dan almmuhii kulturminister Amanda Lind otnáš preassakonfereanssas. Ruhta lea oassin čavčča lassebušeahtas mas ráđđehusbellodagat leat soahpan ovttas guovddašbellodagain ja liberálabellodagain.

Sámedikki kulturráđi lea duđavaš otnáš dihtui.

- Diet lea buorre álgu dán jahkái. Diet boahtá buori veahkkin sámi kulturbargiide ja kulturorganisašuvnnaide ja servviide. Dieđusge galgá Sámediggi loktet lassedárbbuid boahtte jahkái, dadjá Sámedikki kulturráđi ságadoalli Ingrid Inga.

Sámediggi lei rehkenasttán dárbbašit aiddo njealjje miljovnna lasseruđa sámi kultursuorgái dán jagi gávcci koronamánu ovddas.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Sveriges Radio