Muoná čearu boazobárgi Katarina Sevä. Foto: Jörgen Heikki, Sameradion & SVT Sápmi.
Muona čearru sihtá Sveaskog bissehit meahccečuollamiid
- Muoná čearru ja birasorganisašuvdna Greenpeace váhtet ahte stáhta meahccefitnodat Sveaskog bisseha buot meahccečuollamiid čearu guohtuneatnamiin dassážii go fitnodat ođđasis álggaha ráđđádallamiid čearuin.
- Boazobargi Katarina Sevä lohká Sveaskoga meahccečuollamat leat lassánan dan rájes go fitnodat botkii ráđđádallamiid moadde jagi das ovdal. Dal Sveaskog čuollá mehciid maid sii ovdal leat lohpidan seastit boazodoalu várás, lohka Sevä.
- Olof Johansson, meahccepolitihkalaš hoavda Sveaskogas, ii sáhte lohpidit bissehit čuollamiid, muhto deattuha ahte Sveaskog áigu álggahit ráđđádallamiid ođđasis.
