Ođđa prográmmaráidu sámi dáiddariid birra

Prográmmaráidu Det är här det brinner - dáidagiin muitalan, govvida čieža sámi dáiddára, sin jurdagiid ja mihttomearit iežaset dáidagiin. Prográmmaráidu lea golbma oasis, vuosttaš oassi sáddejuvvo otne SVT:as.

Se det textade inslaget i kvällens Ođđasat, SVT2, kl.17.30 och på SVT Play

Vuosttas oasis mii beassat čuovvut dáiddara Anders Sunna, mii iežas dáidagiin dávjá govvida riektemeahttunvuođa man siste su veahka eallá ja su eahpeluohttamuš stáhta vuostá oidno su dáidagis.

- Muhtomat dadjet mu govat leat lusttuheamit, mon dajan nu dat lea. Jus mu govat galget rievdat, de ferte politihka nai rievdat, in mon sáhte njávkat miehtegulgii. Lea dehálaš vuosehit vuostehágu, dadjá Anders Sunna.

Miella dahkat dán ráiddu bođii das go sámi dáiddarat leat nu bivnnuhat ja johte miehtá máilmmi čájáhusain, muitala prográmmadahkki Anna Sunna. Miella loktanii diktit dáiddariid ieža muitalit mii lea sin dáiddabarggu duohken.

- Dan maid mii oaidnit lea ahte dát dáiddarat loktejit fáttáid mat leat nu áigeguovdilat, nu dehálaččat ja mat duođas gusket min servodahkii. Ja leai juste dan birra maid mon hálededjen muitalit, dadjá Anna Sunna.

Nubbe dáiddar vuosttaš oasis lea Lena Stenberg gii earret iežá lokte dan bággojohtima man su máddarat šadde čađahit.

- Mon háledan čájehit, vuosehit got naššunalstáhtat leat bargan sámiiguin, got dat leat olbmuid naššunalitehtaid muktan ja got sii fertejedje šaddat ruoŧelaččat, láhppit dan sámevuođa. Mon anán ahte dáidda galgá leahkit hui persovnnalaš. Mu mielas dáidda mii ii leat persovnnalaš, dat ii leat buorre. Mon in beroš diekkar dáidagiin, dat galgá leahkit hui čieŋal, čájehit du ja du jurdagiid, dadjá Lena Stenberg.

Vuosttaš oassi sáddejuvvo SVT-guvttežis, otne diibmu guđas ja gávdno maiddái SVT Playas oaidninládje maiddái olggobeal Ruoŧŧa.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Sveriges Radio