Keskiviikkona 6.12. soittele missä päin maailmaa oletkin! Stydiossa Bertil Isaksson

Päivän tiima  kuuluu ympäri mailmaa internetti-tekniikan avula. Se merkittee ette soittajat saattava tulla eri puolilta mailmaa!

Mie tarttisin apua kirjottaa oppikirjan, eli lääropuukin Ruottin koululapsile.
Eli oikeasthaan osan semmosesta. Sen osan missä kirjotethaan näistä kotimaisista kansoista jokka asuva täälä pohjosessa, niin tornionlaaksolaisista.
Poruukhaan räknään nyt Kirunaa ja Gällivaara myöten ihmisiä, jokku kuttuva itteä lantalaiseksi ja kvääniksi

Mitäs tästä kansasta, sen oloista, historiasta, kulttuurista pitäs selittää?

Meistä pitäs kirjottaa jotaki, sen valtio on päättäny ja pistäny lääroplaahniin, opintosuunitelhmaan mutta kirjoissa ei lue sannaakhaan. Asiaa on tutkittu.

Soita meile ja kerro mitä niissä kirjoissa pitäs lukea.

Eli sie piiain tykkäät ette se hyvä ko soon niinku se on. Soita silloonki. Ja mikkä fördomarit, ennakkoluulot meistä halvaisit ette pykteerattas, puhkahtas.

Mie luppaan lähättää koostheen, sammandragin, tästä ohjelmasta kirjaförlaakile, kustantamoile, niin ette saava tipsiä.

Tällä mallin tehemä jotaki asiale ,  emmäkä vain surraa

Journalismimme perustana on uskottavuus ja puolueettomuus. Sveriges Radio on riippumaton poliittisista, uskonnollisista, taloudellisista, julkisista ja yksityisistä intresseistä.
Du hittar dina sparade avsnitt i menyn under "Min lista".