1 av 5
2 av 5
3 av 5
4 av 5
5 av 5
Maakisen kriinin tekijät Gun Olofsson ja Regina Veräjä ovat mukana lehdistötilaisuudessa 7.4. kertomassa kertomuksista henkimailmasta.

KERTOMUKSIA KLÄPILE meänkielellä/torniolaakson suomela Ruottin Raatiossa

KERTOMUKSIA KLÄPEILE


Aprillin 8 päivä alkaa Sisuradio/Meän raatio lähättämhään kertomuksia henkimailmasta meänkielelä.

Ohjelmissa muistava täyvet ihmiset lapsile heän kokemuksia henkimailmasta, osa itte koettuja asioita , osa on perintheelisiä.


Jutut selittävä näkymättömästä mailmasta ja niistä kontaktista mitä ihmisillä tässä mailmassa on heän kansa. Toisessa mailmassa assuu erillaisia olentoja ja kans - kuohleet.
Siittä mailmasta saatama met ihmiset hakea tietoja joista onapua ko on esimerkiksi siukka, ko tarttee pyytöonnea eli ko vain tarttema turvaa. Mutta vain ihmiset joila on vasittuja lahjoja ja kykyjä pystyvät yhteyen sinne pitähmään.


Tämä on hyvin vanhaa kertomaperine ja käsitysmailma Tornionlaaksossa.

Monele ihmiselle Pohjoiskalotila tämä on täysi toelisuus. Se tuntuu tärkeältä tua näköselle tämän kulttuurin senki takia ette elämä ajassa ko kaikki pyörii aina vain hopumpaa ja olema menettämässä yhteyen luonthoon ja meän omhaan sisimphään, sanovat ohjelmatekijät Gun Olofsson ja Regina Veräjä. 

Ohjelmat lähätethään Sisuradiossa/Meän raatiossa viis viikkoa peräkkää ja alkavat

  • tiistaina 8/4 kello 17.10 P 4 Norrbottenissa/
    Sisuraatiossa.
  • Repriisin kuulee tuorestaina samana viikkona 8.50 ja P2:ssa 16.50.

 

EELIÄISET
Maakinen kriini. 1. osa


Onkos sulle sattunu semmosta ette olet alkanu fasteria hunteeraahmaan ja sitten soonki soittanu ja tarjonu sulle verestä pullaa? Olikhaan se eeliäinen?
Juuri eeliäisistä puhuma tämän päivän ”Maagisessa kriinissä”.
Reginan ja Gun matkassa on Ingeborg Lundström, Håkan Lundström, Inge Strande ja Julia Johansson- Närva.

TÄRKEITÄ TIETOJA LUONOSTA
Maakinen kriini. 2. osa

Oleks sie joskus saanu tärkeitä tietoja luonosta, vaikka kyyhkyselt eli varekselta? Tämmösistä kuulema  ”Maagisessa kriinissä” 15.4.2008.
Mukana Karin Ylipää, Håkan Lundström, Inge Strand ja Julia Johansson- Närva. Tuottajat Regina Veräjä ja Gun Olofsson.

TONTTU JA HALTIA
Maakinen kriini. 3.osa

.Mikä sielä vilahti? Ja .... sammutti valot hallista. Enkö mie ole yksin täälä styytiossa? Kuulema haltioista ja tontuista 22. päivän ”magisessa kriinissä”. Toimittaja Regina Veräjä ja Gun Olofsson. Mukana Julia Närva-Johansson, Håkan Lundström ja Inge Strand.

NOIAT
Maakinen kriini. 4.osa

Mikä se noita on? Maagisesta kriinistä puhuma semmosista jokka pystyit authaan ja suojaahmaan ihmisiä - mutta kans panheen kirouksen meän perhään jos met emmä käytä sitä apua oikein. Toimittajana Regina Veräjä ja Gun Olofsson. Ohjelmassa mukana Håkan Lundström, Inge Strande ja Julia Johansson- Närva.

HALTIAT
Maakinen kriini. 5.osa

Nyt kuulema köyhästä perheestä Joka sai maahiaisilta lehmän ja mitä sille lehmäle tapahtu ko sitä lypsethiin liikaa.
Tällä kertaa maagisessa kriinisessä voimista jokka suojaava meitä - haltioista ja maahiaisista. Toimittajana Regina Veräjä ja Gun Olofsson. Mukana kanssa Julia Johansson-Närva, Håkan Lundström ja Inge Strande.

TARINAT ON KUULTAVISSA TÄLTÄ SIVULTA LÄHETYSPÄIVÄSTÄ LÄHTIEN JA KAIKKI TARINAT VOIT TILATA MYÖS KOTIIN PODRADIO-PALVELUNA
 
Läs mer på svenska:


Vepistä (sverigesradio.se/barn/magiskaskrinet ) löyvät vastatehtyjä kertomuksia lapsile minuriteettikielilä:
ja

Journalismimme perustana on uskottavuus ja puolueettomuus. Sveriges Radio on riippumaton poliittisista, uskonnollisista, taloudellisista, julkisista ja yksityisistä intresseistä.
Du hittar dina sparade avsnitt i menyn under "Min lista".