Fågeltornet Alf Johansson och Kevin Worrington
Päiväntiima Torsdag 12/5 2011

Tokasen kylhään haluthaan Lejdgrenin-sentterin

Artur Lejdgren, Tokasesta, Jellivaaran kunnassa, kerkesi tänä vuona täyttää satavuotta, ennenko hän kuoli. Hän oli kansainvälisesti tunnettu linnuntietäjä, ornitolooki, ja nyt kyläläiset halvaava EU-prujektin kautta, Arturin hengessä, panna pysthöön natyyrsentterin, luononkeskuksen, jonka nimeks tulis Artur Lejdgren Center.

Ja mikäs passaa paremmin ko että Hasse Stenudd kohtasi Alf Johanssonin ja Kevin Warringtonin lintutornissa, Tokasenjärven rannalla. Alfi meinaa että soon tärkeä tehtävä että jatkaa Artur Lejdgrenin työtä.

Artur Lejdgren oli ensimäinen Euroopassa joka sai tornsvalan, tai tornipääskysen, pesihmään linnunpöntössä.

Tommy Johansson, Purnuvaarasta, kävi itte Tokasessa koulua. Nyt hällä oon hafheet että tästä koulusta tulis ympärivuotta toimiva centeri jossa olis myseymmi, näyttelyosa, restaurangi ja muuta mukavaa. Rahhaa oon nyt haettu EU: n Lieder Polaris projektistä:

Hassse Stenudd kohtasi Tommy Johanssonin, Tokasen entisessä koulussa, johonka kylälaise thalvaavat perustaa Artur Lejdgren centerin.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".