Miljöö - kuuma aihe Matarengissa taas

7:18 min

Että säästää energiitä on hyvin helppo ja keinoja on monta meinaa entinen tv4:an metruloogi Tone Bekkestad joka oli yks monesta joka puhuu, muun muuassa, klimaattimuutoksista ja energiin säästämisestä seminaariassa Matarengissä viimi viikola. Matarengin kunta freistaa taas pannaa miljööhunteeraamisen käynthiin ja tämä seminaari oli kick-off tähän työhön.

-  Meän visjuuni on että tämä "råvara" mitä meilä on omasta takkaa täälä kunnassa; mettää ja vettä häätyy ottaa käythön enämpi. Se antaa energiitä ja työpaikkoja, sannoo Matarengin kunnanrooti Roland Kemppainen.