15 000 ihmistä otethaan pykitöihin

Ensi vuona - 2012 - syntyy  kunnon työpaikka Kalotila jos mennee niinku meinathaan. 15 000 - 18 000 ihmistä otethaan töihin Jäämeren rannan Teriberkan piehneen kalastaja-kylhään Ryssän puolela.

Sinne alethaan rakentamhaan sitä laitosta joka ottaa vasthaan kaasun jonka imethään Shtokmannin kentästä Jäämereltä. Venäläisen firman Gazprom Dobycha Shelfin johtaja, Gennady Gavrilin, sannoo tämän ryssän meetian mukhaan.

Rakenustyöt tuleva kesthään 4-5 vuotta ja ensimäinen kaasu uskothaan ette toimitethaan Teriberkasta 2016.

Vasthaanotto-laitoksen lisäksi tulhaan kansa rakentamhaan net lautat eli plattformit jokka tulevat kaasulähtheen kohale Barentsin merelä. Nämät pitävä kestää 50 vuotta pahoissa ilmoissa, myrskyssä ja kovissa pakkasissa. Aaloitten korkeus saattaa olla 26 metriä.

Norjalainen öljyfirma Statoil on ollu innostunnu tulla matkhaan tähän suuhreen hakheesseen- mutta ei ole päätöstä asiasta vielä tehny.

bertil.isaksson@sr.se

Fråga
Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".