Paavo Koberg järjestää hihtoja Kirunassa.
Päiväntiima 12.04.10.

Hellner tullee mutta Kalla ei

Hellneri tullee Kiruhnaan
6:26 min

Kiruna-spelen oon tunettu hihtokilpailu Kirunassa jota piethiin monta kymmentä vuotta. Nämät olit semmoset talven viimiset hihot jossa koko mailman elitti oli matkassa, Mutta aijat oon muutunheet ja näitä hihtoja ei ole ennää siinä muotossa niinku ennen. Mutta hihtoa meinathaan kuitenki. Kolmena päivänä järjestethään Total-DM johonka tullee monta sattaa hihtaja Norrbottenista, nuorimat seittemän vuotta ja vanhiimat seittemän kymmentä.

 -Meile tarjothiin ette kolmeksi vueksi järjestää Total-DM ja meiläko oon rytiiniä ja taustaa hihtokilpailuista, niin päätimä yhessä IFK Kirunan kansa ette miks ei, sannoo Paavo Koberg Jukkasjärven IF:istä.

-Meilä oon kyllä olheet suuret toivomuukset ette olisimma saahneet Charlotte Kallanki näihiin kilpaihluun. Mutta Kalla oli puukattu Norhjaan johonki jiphuun sinne. Mutta olympia-ja mailmanmestari Markus Hellner Jellivaarasta oon staartti-linjala Matojärvelä, sannoo Koberg

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".