Rauha Jauhojärvi ja Gunnar Peuravaara. Foto: Bertil Isaksson/Sveriges Radio.

"Noon kullan arvosia - ei niitä saa moittia"

kullan arvosia
8:43 min

Yötä päivää, pyhhää arkea, paisteessa ja tuiskussa kiertävät kunnitten hemsamariitit kylästä kylhään hoitamassa meän vanhoita.

Vaikka nämät on vanhoitten kesken tervetulleita niin se on ammatti joka ei niin nuoria viekota. Gymnaasiekoulun hoito-linjat ei taho saa kylliksi hakioita ja pölkö on ette samriitistä tullee pula.

-Mutta sitä ei saata toivoakhaan ette nuoret välittäsit tämmösestä ammatista, meinaa Rauha Jauhojärvi, jonka Bertil Isaksson kohtasi ko tuli Gunnar Peuravaaran kotia Sattajärvessä.

- Se into syntyy myöhemin elämässä, sannoo Rauha, joka on neljättäkymmentä vuotta hoitanu vanhoja samariittinä ja nytki tekkee sen tuontuosta vaikka on jo pansuunin ottanu.

- Samariitit on kullan arvosia. Niitä ei saa mennä moittimhaan, sannoo Gunnar Peuravaara, 96 vuotta.

bertil.isaksson@sr.se

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".