Päiväntiima 13.02.20

Hihtofantastitten juhlat alkavat huomena

21 min

Huomena alkavat juhlat kaikile hihtofantastile. Mailmanmestarus kilpailut piethään Italian Val di fiemmessä ja metaljia toivothaan olletikki Charlotte Kallalata ja Markus Hellneriltä. Mutta Sven Drugge Kaunisvaarassa joka seuraa kaikki hihot tv:eesä, meinaa ette jos Kalla ja Hellner on kymmenen sakissa niin se on hyvä:

- Tämän päivän kilpailu mailmantasola on niin kovvaa tavaraa ette metalja etukätheen ei mene jakkaa, sannoo Sven Drugge, 79 vuotta joka käypi kymmenen kilometrin hihtolenkilä joka päivä.

Ja vaikka Svenni on suuri hihtofantasti niin on kuitenki kriittinen yhtheen asihaan.

- Kyllä hihto meni aivan pilhaan ko tuli tämä luistelutyyli. En mie tykkää siittä-ei se ole oikeata hihtoa, sannoo Svenni ja painuu päivän lenkile vanhaala tyylilä.

stig.Karlstrom@sr.se

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista