Pala vazdipe pe skala zukarel e luma pe pandemia Foto:Scanpix.
Nasvalimos

Shvedo zukarel pe jekh pandemia ande balengo viruso

Lumaki sastimaski organizacia WHO vazdas opre pale e skala pe pandemiaki skala.
Akanak vazdas la opre pe skala 5.

Kade phendas e sherutni e Margaret Chan pe jekh konferencia:
”Lem e decizia te vazdav opre e skala zhi pe skala 5 ande kadi pandemiaki skala”

E pandemiaki skala si katar 1-6, thaj kado ke si pe skala 5 sikavel ke kado si but seriozno pandemia..

WHO phenel ke 8 manush mule khatar kado nasvalipe thaj ke si 114 manush so si nasvale khatar kado nasvalipe, kadala siffri si zurales cine pasha e siffri so e thema korkori mukhen avri pa peske nasvale.

E Margaret Chan phendas ke kadi balengo viruso shaj te mezi sar jekh cini trozna thaj pala kodo perel avri pe buke.

E Margaret Chan phendas vi ke e ljuma musaj te lel pe sama khatar kadi pandemia thaj ke e thema musaj te len te keren planura sar te malaven tele kadi pandemia.

Ando Shvedo naj inkre varikon nasvalo ande kadi pandemia, numa vikade musaj o Shvedo te lel te kerel buci te arakhel draba pe kado nasvalipe. Kade phenel o Anders Tegnell so si sherutno pe smittskyddsenheten po socialstyrelsen:

”Akanak musaj te dikhas pe sa planura te birisaras te anavas sa e draba.

Pala kodo musaj te phenas khaj sa e bolnici  te dzanen ke shaj te avel kade ke avla but medicina thaj ke vi von trobuna te inkren e medicina maj dur”

Tetradzine tradas e ministerka po sastipe ando Shvedo e Maria Larsson pe jekh extra kedipe ando Luxemburgo pa kado balengo viruso.

Kothe avna manush anda sa e EU thema thaj 15 ministrura.

Kothe si von te vorbin sar te maren pe e thema kadale nasvalimosa.

Kade phenel e ministerka po sastipe e Maria Larsson:

“Te lasam draba angla nasvalipe shaj te keras jekh rezistencia karring e medecina. Anda kodo si o manush te lel e medecina kana trobuj te lel pe, na maj sigo ke kam chi zutija atunci.

Kodo shaj te phenel pe kote pe kado kedipe”

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".