E religiocne shkoli shaj te aven maj dur puterde

Chi pandavel pe tele e religiocne shkoli, kodi propozicia mukel o regeriungo.
O nevipe si ke avla jekh zakono so si slobodo te kerel pe thaj so naj slobodo te kerel pe ande e religiocni shkoli.

E propozicia si po sitciaripe, kana o sikavno sikavel e ternes e shkolake bucia, nashtik atunchi te sitciarel kodo religiocno pala e religiange kevni.
Numa shaja te aven religiocni bucia maj dur ande shkola, sar kana dzal pe te hal pe habe, kana traden varikaj, shaj te aven religiocni symbolura ande shkoli vaj kana inkrel pe e religiocne djesa.

Shaj vi te aven sikajimata ande kodola chavorenge religi, numa kadala nashtik te aven pe e ternegi zor. Feri kote avla e dejangi thaj e dadengi responsebilita te alosaren vaj o chavoro si te pirel pe kodo sikajipe vaj na. Kana si e terne maj pure shaja von korkori te alosaren vaj kamen te sitcion peski religia vaj na.  Kadal bucia shaja te inkredzion pe numa pala e normalni klassi.

Jekh nevipe ande kado zakoni si vi ke e shkoli musaj te sikaven khatar von line e love te mangela e shkolaki inspekcia kodo.