Alosaripe ando Iran

E ljuma reaguli pe e problemura ando Iran

E problemura ando Irano vazdel reakci ande ljuma. Iranosko baro lishimaski krisi phenel ke chi avla jekh nevo alosaripe. Fn:osko generalnosekretaro Ban Ki-moon phenel ke musaj te agorij pe kado maripe ando Irano

O generalno sekretari phenel ke kado probloemo si baro thaj kadala marimata musaj te agorin pe pala kado alosaripe. Vov phenel vi ke o Irano musaj te del paciv e citizenton thaj kodolen so si kaver politicne ghindura. Ban Ki-moon phenel kadalesa sa kodo so e kaver manush anda Europa thaj anda USA phende.

Reakci khatar Irano si kaver.

Kodo so o Merkel, Brown, Sarkozy, Reinfeld thaj so o Obama phende dikhel pe bange jakhenca khatar o Irano. Von dikhen kado vorbipe sar jekh zutipe khaj e oppozicia. Thaj ke e oppozicia si inkerdi khatar kadala manush.

E raci khaj e marci sas pacaki phenen e rapportura so avile khatar Teheran, naj chi soske marimata mashkar e policia thaj e demostrantura.

Adjes akardas o UD (avrutno temesko departamento) e Iranitsko ambassadorosa thaj kote pendas o kabinako sekretaro Frank Belfrage ke o Shvedo dikel daravne jakensa pe kodo so kerel pe ando Teheran.