Gothia Cup - Khedenpe 34.000 igrachia kotar 63 phuvja

Avdive svecano pravdilo fudbalesko turniri Gothia cup ko Göteborg. Avdive khedenape majbut kotar 34000 igrachia kotar 63 phuvja.

Odoleske so but manusa ka kedenpe kotar but diferentno phuvja isi jek riziko te shirinipe inflenca/gripi, sar so akharipe baleski inflenca/gripi, phenel i Ann Söderström doktorka zastitibaske.

- Ka aven but therne chave ki amende thaj ola avena kotar o phuvja kote so i inflenca/gripi si majbut shirimi nego ki Svedia. Thaj amaro plani si o cupi te kerolpe te ovel so majshukar thaj mate shirina o nasvalipe ko javera terne chave so ka khelen ko cup ako khonik si le odova nasvalipe).

Odova phendja i doktorka zastitibaske Ann Söderström so sine thaj andja jek cpecialno spremno plani basho i Gothia cup. O Plani tano esavko so ako disavo igrachi osetinipe sar nasvalo musa te djal te testirinipe bashi inflenca/gripi. Ko odola skole kote so o igrachia ka djivdinen ka oven specialno sobe nasvalenge chi te shaj te delinen e nasvale igracen kotar e sasten.

Nevo ke besheskoro turniri si kaj jek ekipa kotar o irak ucestvuini prvo drom ko trianda bersh. Posledno drom jek ekipa so kheldja kotar o Irak ko Gothia cup sine 1980 . I ekipa so kheljol ko turniri si 16-bershenge chave thaj avena kotar i sherutno foro Bagdad ko Irak.