Jek manush anda Uppsala garodas peske shavoren

Jek manush ande Uppsala inkerdas peske shavoren phandade perdo bersh e shavora adjesi 16-22 bershenge aj ande chi soski shkola chi phirde. Phenen ke nas lenge slobo te zian avri anda kher ferik nas lenge slobodo jek zene te zian sodivar zianas avri anda kher musaj sas lengo dad lenca te avel.E shavora arakadzile kate ando Swedo aj chi biri te acharel o them sar kechi bersh birisardas o dat te inkrel len bi skolake.

Le kommunenge musaji te inkren aj te zianen pa intregi shavora le skolaki buchi te rodel opre intregone shavoren aj te dhiken chi phiren ande skola aj tena phiren te keren jek rodipe sostar chi phiren.Le halade line le dades te pushenpe lestar avri sostar vov kerlas kado aj naraze phandadoj andre aj e romni thaj le shavora kherej.Naraze chi birin te kheren chi soske krisi le manushesa ke chi zanen koni vov ke arakle leste trin diferentni identitetora.