O numero e azulantengere chavenge so i apaticno bajrola.

O problemi e apaticno chavencar skoro nashavdilo, palo odova so but djene dobingje ple lila te achon ki shvedia e privremeno zakonea. Ama akana palem isi, odoleske so uli maj zorali i politika azilantenge thaj o but adjikeribe.

-Anglal disave bersha, keda dobingjam o privremeno zakoni, sastile but chave so achile thaj nasine majbut apaticno chave. Ama akale jeke duje bershenge palem dikhaja chave so ovena apaticno, phenel i Eva Wilks, psikoterapijako kandidati so akana kerola buti te istazini te studirini e apaticno chaven.

O najbare razlogia sebepi soske bajrola o numero phenol i eva Wiks si i zorali politika thaj o but adjikeriba. O privremeno zakoni znacingja kaj odola azilantija so zivingje but vreme ki svedia sinelen sanse te probinipe palem lengoro slucaj. But djene dobingje lila te achoven ki Svedia a e  apaticno chavenge shaj sine te pocminipe bari sastljaribaskiri  terapija.

Ko obicno slucaj shaj jek azilanti te zalinipe bashi i negativno odluka jek puti ke migraciakoro sudo, palo odova te rodel te probinipe o slucaj ke migraciakoro pobaro sudo thaj palo odova ako isile neve fakte shaj te rodel ke migraciakoro odolenie basho procesno administracia (förvaltningprocess). Ama ako o negativno(odbienica) dobingja zoralipe pocmingja te vazini phenel i Anette Bäcklund, chefi ki Migracia kaj phare i te meninipe i negativno odluka. 

Ama so ako o chave i apaticno akana, isili shanse te acholpe sebepi odoleske?

- Na nane odova dovolno.

O problemi but puti i tano kaj keda avena o chave e azilantengere thaj dingje intervju basho plo azili  tane but poshukar nego palo i negativno odluka keda dobinena. Adjaar phenel jek dat ki jek romani familija kotar i Srbia basho sar leskoro chavo osetinipe palo i odluka so dobingje te iranenpe palal ki pli phuv.

- O chavo namangola ni te hal ni te phijol. Nane shukar.

Akana isile jek chavo soi tano but apaticno thaj javer chavo so nanele volja djivdibaske. Ki Migracia o personali tane svasno djanena bashi odoja problematika thaj odoleske rodena jek poshukar samarbete/suradnja mashkar o sjukvården/zdravstvo.

E migraciakere buti i tani te anol odluka dali e azilanten isilen pravo dovolno razlogia te achoven ki svedia dali na, a but puti majbut kerolape lafi basho te rodolpe zastita/skyddsbehov, a na dali o manusha i nasvale a dali na. Ako isi barem hari da te shaj te djan ki bolnica te roden pomoc ki pli phuv o sastipe togash nane razlog sebepi te acholpe ki Svedia.

- I Migracia nashti te kerol dikrepancia, diferencia mashar dali si shukar o hospitalia a dali na ke azilantengiri phuv. Ako shaj te rodelpe pomoc ko hospitali ki pli phuv nane manushe pravo te rodel lila te achol ki Svedia, phenel i Anette Bäcklund kotar i Migracia .

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista