Shvedo pelas avri anda qualifikacia ande ljumako kelipe ande fotboll Foto:Scanpix

Shvedo pelas avri anda e qualifikacia ande ljumako kelipe ando fotboll

Shvedos nas bare chansi te den andre ande ljumako kelipe so si te avel ande teluni afrika ando 2010 bersh.

E shvedos sas minimalne chansi te aresen kote, o shvedo musajsas te njeri o matcho e Albaniasa thaj pasha kado musajsas e Malta te lel jekh punkto katar e Portugalia.

Kado chi gelas ke e Portugalia njerisardas o matcho 4-0 thaj atunci pelas vi o Shvedo avri ande qualifikacia.

O matcho so sas po Råsunda mashkar o Shvedo thaj Albania njerisardas o Shvedo 4-1 pala
2 golura katar o Olof Mellberg.

Pala kadi qualifikacia mukhel o treneri o Lars Lagerbäck e shvedoski representacia sar treneri so vov inkerdas e shvedos ande 173 matchura thaj ingerdas e shvedos ande 5 bare ljumake thaj europake kelimata, thaj pala kadi qualifikacia so chi naklas o Shvedo muklas vi vov pesko than pala 12 bersh ande shvedoski representacia.

Pasha leste phende inke trin kelitora ke von mukhena peske thana ande shvedoski representacia kodol si Mikael Nilsson, Daniel Andersson thaj o Henrik Larsson si si jekh anda e maj lashie kelitora so sas ande shvedoski representacia ande shvedoski historia.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".