Adzjesi 20 bersh de sar phelas o Berlin muuro

Adzjesi 20 bersh de sar phelas o Berlin muuro

Le Swedosko statsministro Fredrik Reinfeldt tradel ando Berlino adzjes te avel ande ceremonia te seren so sas de 20 bersh o pherajipe le berlinosko muuro. E ceremonia inkren la lumake sherotne thaj inkrel than ando Brandenburg gate 7 chasongo kado mizmere. Vi ando Stockholmo kherena diskuziji thaj seminariomura te seren kado dzjes so sas de 20 bersh khodoleske o pherajipe le Berlinosko muuro thaj sar si o Swedo prezidento ando EU inkren kado dzes extra.

O Swedo mindik khamelas te avel neutralno ande política vi te avela varekana maripe ande luma o Swedo te avel neutralno. Phala maripe kaj sas ando bersh 1945 aba o Swedo inkerdasaspe righate thaj aba vazdasas pesko moral thaj peski pachiv sar jek chacho neutralno them.  O anglono statsinistro kaj sas les bari rolla sas o Östen Unden kaj ande vrama 1950-1960 kaj phendasas ke kado neutralnocht mindik site avel thaj phendasas ke naj kanchi pe kadi luma kaj shaj pharovel le Swedos sar jekh neutralno them. Khotar kana avilas e Olof Palmeski vrama aba zialas o Swedo maj buth kharing e USA anda maripe kaj zialas ando Vietnamo.O Swedo sikadasas ke biri te lel partiji ande lumaki política thaj ke biri te inkrel zorali pozicija ande luma sar jek politikanto.

Khana o muuro phelas ando bersh 1989 phelas vi e neutralnopolitika thaj 5 bersh phala kado alosardaspe o Swedo ando EU thaj phanglaspe maj pashe ando Nato.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".