Jekh anda al-Shabaab Foto:Scanpix

Islamistura rodenas terne manushen pe ternimatonge thana.

But anda e terne manush so sas rekritovane katar o Shvedo katar o islamaticno rebelongi gruppa al-Shabaab ande marimata ande Somalia. Sas kidine katar jekh ternimatongo than anda Rinkeby so si ando Stockholm.

Säpo so si sekuritaki policia ando Shvedo phenel ke al-Shabaab andas ternimaton anda Shvedo pe marimata ande Somalia thaj sas vi uni so mule kote ande marimata.

Akanak si jekh mursh so si 30 bershengo so sas o maj baro ande kado rodipe pe ternimata. Vov kerlas buci ande jekh ternimatongo than so o moské inkrelas ando Rinkeby centrum.

Kote vorbijas e ternimatonca thaj sikavelas lenge filmura pa Youtube so sikavlas so e ternimata kernas anda peski vjara.

Jekh terno vorbij pa kado so von sikaven kade:

“Me diklem patretura pe mule manush, shinde shere thaj kaver nasulimata thaj intrego vrama phenen vov sa kodo. Musaj te aves zuralo manush te na pheres andre ande kado pala kado”

Jekh bersh kodolesatar hasajlas kado manush anda Rinkeby, Shvedicko Radio rodelas kadale manushes numa chi birin te hucilen les. Akanak si vi dzanglo avri ke kado manush inkrel jekh uci pozicia ande kadi gruppa al-Shabaab.

Kado ternimatongo than ando Rinkeby las 480 000 koroni katar e kommuna numa kana e kommuna diklas ke nas lashie aktevitetura mukle von tele kado than.

Ando bersh 2008 phandadzilas kado than tele.

Säpo phenel maj dur ke von roden maj dur terne manushen te dzan ande lengi gruppa, thaj uni ternimata so gele andre ande grupa mule, vaj sar o manush so rodelas ternen phenlas:

“Vov phenlas ke sas te dzas ando rajo, Jekh biljeto khaj o rajo”

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".