5 shvedicka ketani dukhade thaj jekh afhganicko tolmaco mudardo ando Afghanistano Foto:Scanpix

5 Shvedicka ketani dukhade ande Afghanistano

5 Shvedicka ketani sas dukade thaj jekh tolmaco anda afghanistano sas mudardo kana lengo vurdon tradas opral pe jekh bomba 40 kilometri pasha Mazar-e-Sharif khaj o shvedicko-finitcko Camp Northern Light si.

E ketani tradenas ande jekh vurdon so phenen pe leste Galt kana von trade opral pe jekh bomba ( IED, Improvised Explosive Device).

2 anda e ketani sas zurales dukhade 2 sas maj cera dukhade khaj lenge vast sas feri pagerde thaj jek sas ekcera dukhado.

Kadal manush si akanak pe jekh cini njamcicko bolnica thaj zukarden po transporto te aven ando Shvedo. Kana kadal 5 ketani sas dukhade zukarde von 2 chasura po zutipe katar o helikopteri.

Ministro pe kaver thema o Carl Bildt si akanak ande Afghanistano thaj vorbij e persidentosa o Karzai, numa vi te kerdas pe kado so kerdas pe chi ghindoj vov o Shvedo te paruvel peske planura ando Afghanistano:

-Kadi decizia musaj e katana te lel. Ame phendam ke von mishto keren akanak. Shaj te kerel pe maj but thaj vi maj cera. Te kerla pe maj cera avla maj cera dar, te kerla pe maj but avla maj but dar. Numa amari buci si te avas kate thaj te keras amari buci te avel kate jekh paca.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".