Foto: Hans Runesson/Scanpix.

Folkpartiet agorisardas pesko politicno kedipe

Kurke agorisardas pe o politicno kedipe so o Folkpartiet inkerdas.

E diskussi sas but thaj e partia muklas but propozici ande e partiaki neve bucia.

Jekh punkto vazdas bare diskussi thaj e manush anda Folkpartiet alosardas tele kadi propozicia. E propozica sas ke e manush so aven ando Shvedo musaj te naken jekh kurso maj anglal te kerdzion citizentura ando them.

Kado kurs osas te avel jekh edukacia ande Shvedicka ghindura thaj dzanglipe pa Shvedicko trajo, numa e kaver manush anda Folkpartiet vorbinas pa universallne manush thaj pa demokracia, manushikane chachipnata thaj pa jekhipe mashkar e mursh thaj e dzuvljia.

Kana areslas e propozicia opre po alosaripe uscilas o Gunnar Nordmark anda partia thaj phendas ke te avla jekh kasavo kurso birina vi kaver manush anda nasul gruppi so si nasul karring imigrantura te vazden kado opre sar lengo punkto.

E ministerka Nyamko Sabuni sas ekcera brigaki thaj phendas ke o debatto pa integracia si infektovano ando Shvedo:

”Mindig sas jekh debatto pa bucia angla kodo kana kerdzion e manush citizentura, thaj kote si differentni ghindura. Vorta akanak keren kaver thema kado. Ame daras ande integraciako debatto thaj si infektevano. Te na dzala kadi propozicia dzala jekh kaver propozicia te avel e manushen jekh chansa ando them”

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista