Saab
Vordoneski industaria

E Saab-esko anglunipe ano vasta ko GM

Nevipe: Vakerolpe kaj o vakeribe vi avdive lundjarolpe mashkar o Holandiajako Spaykers thaj o GM te arakhen jekh drom te keren biznis mashkar peste. O Spaykers akan dindja vreme/datum te dolpe godi o GM kamol mi te bikinol ja se na o Saab.  

Avdive alo jekh nevo proposalo te kinolpe o Saab automobile palji kriza savi astardjalje kana o GM kamol te ljol telje akia vordoneski industaria ani Svedska. Akana o Holandiajako Spaykers dol jkeh nevi cena te kinol avrial o Saab kotar e krisa  numa kamol mi o GM  te anol decizia te bikinolpe o Saab automobile achol te dikholpe sar on gindinen ano GM. Si gindipe kotar o industriake analitiker kaj o GM na kamol te bikinol o Saab te na kerlo ljeske konkurencia ano anglunipe.

Jekh vordonengo industriako analitiker o Matts Carlsson kotar o Göteborg phenol kaj o GM na kamol te bikonol o Saab te na avol ljeske konkurencia ano anglunipe.

O manusha ando Saab vakeren amen hinam siklje te aven but djene save kamen te kinen o Saab automobile thaj palpalje na kinen, na djana so te pacha podur vakerol e Annette Hellgeren savi itani sherutni ano kedipe UNIONEN ano Saab.

O satosko sekreterare o Göran Hägglund phenol kaj o stato ani Svedska nasti te kerol kahanchi te zutinol o Saab ani akia kriza savi arakholpe. Me phenav kaj o Saab ikerol GM thaj on shaj te keren so kamen pire firmasa, so kamav te phenav kaj o anglunipe itano ano vasta ko GM phenda o satosko sekreterare o Göran Hägglund.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista